Point lecture n°4: les gens heureux lisent et boivent du café de Agnès Martin Lugrand

" il voulait dormir, le sommeil me ferait oublier "
قريت le fameux livre ، و حسيت بكمية كبيرة متاع إحباط ..
كتاب ، قريتو في صيغة ال pdf ، عدد صفحاتو 95 ، رواية ل Agnès Martin Lugrand
نوعية الكتاب الي قريتعا متعبة جدا ، الصفحة فيها عدد هائل من الجمل ، الصفحة معبية بالجمل لدرجة توجع العين و الحروف وردو في حجم صغير جدا ..
اذا كنتو تحب تقراو الكتاب ، مننصحكمش بال version de 95 pages
العنوان ، كان محلاه و كي تقرا الكتاب تحس انو دار النشر كانوخبيثين عل لخر بعنوان كي هذا " القهوة و السعادة و القراءة " حاجة تنجم تجلب معظم القراء
الغلاف ، اقرب للكتاب مالعنوان خاصة و انو البطلة مدخنة كبيرة ، الوان الغلاف غامقة تتماشا برشا مع الحزن و الالم الي فالكتاب و الوان الشتاء بامتياز

المهم ..
الكتاب يبدا بحوار بين البطلة و بنتها و راجلها ، و بعد فجأة بدون مقدمات تقلنا انهم ماتو و بقات كان هي عاجزة على مواصلة حياتها ..
بعد بمدة كبيرة اكثر مالعام ، تقرر انها تسافر من فرانسا لارلندا ، لسبب انها مرة سمعت راجلها يحب يمشي لغاد
و بهالقرار تبدا التغييرات في حياتها وقت تتعرف على ناس جدد و بلدة جديدة و تكتشف في روحها ابعاد جدد و روح أخرى ..
كتاب يخليك تعيش بين فرانسا و ارلندا  و تحس بالبرد و السحاب و الدفا متاع ال cheminée و ريحة الدخان و القهوة.
الكتاب كان في البداية كتاب ناجح و يشد عل لخر ، لدرجة اني خيرت نبطل نقراه للي نتحصل على نسخة ورقية
ثم فيما بعد يصيبك بخيبة امل كبيرة و نلقاو الكتاب طاح في الهوليودية المقيطة ، متاع حبني و نحبك و هرب عليا و خلاني ..
الكتاب للي يحبو الافلام الرومنسية الامريكية القديمة شويا باش يعجبهم عل لخر
الي عجبني و حسيتو ملهم جدا فالكتاب هو الفصل الي تقرر فيه الكاتبة أنها باش تبدل حياتها و انا حسيت انو الفصل هذا كان ينجم يخلي الكتاب يمشي في ثنايا ملهمين اكثر مالوقوع فالحب بطريقة غير متوقعة
النهاية كانت عادية و حتى اقل من عادية مفتوحة ، تنجم تقول متوقعة لمرا في وضعها .
في النهاية ، انجم نقول انو الكتاب متوسط يستحق ثلاث نجوم ، فقط على خاطر فصولو الاولى عجبتي ياسر + الغلاف و عنوان الكتاب و هوما يخليوك منغير ما تخمم تشريه باش يعيش في مكتبتك. ⭐⭐⭐
Bonne lecture