Point lecture n°9 : يا مريم ، لسنان انطون

يا مريم لسنان انطون
كتاب حائز على جائزة البوكر العريبة القائمة القصيرة 2013
كتاب صغير 160 صفحة ، 5 chapitres
علاش هل كتاب ؟
اسمو مريم ، اسمي مريم ، عادي جدا اني نقراه 😝
كي ريتو قلت ، مريم ، هذا كتاب اكيد فيه ريحة المسيحية ،رمزية الاسم
حاجة اكدتهالي صورة الغلاف ، مرا هازت رضيع و معالم وجوهم مش واضحة ..
الغلاف في كل الاصدارات جميل و هذي نقطة تحسب له كان نحكيو على الجانب التجاري في الكتاب .

الاهداء زادا مشجع هو قول من انجيل يوحنا " جاء الى بيته ، فما قبله اهل بيته " . و قداش من حد ، ملقاش الامل مع اهله و من عاشرهم.
.
حكاية الكتاب :
زوز حكايات صارو في نهار واحد ، حكاية يوسف الراجل الكبير العراقي الي عاش حياتو و شهد على العراق وقت ازدهارها و وقت الي عاشت صراع و مشاكل .
الحكاية الثانية ، مها ، الطفلة الي الظروف لزتها تسكن مع يوسف  هي و راجلها. طالبة الطب هذي لحقت كان على وقت الحرب ، و الي الارهاب الديني خسرها في الهدوء و فاغلى حاجة عندها . 
و بعد ، اخر  هالنهار الي هو نهار احد ، يوسف و مها مشاو للقداس ، و غاد .. صارت حاجة مش متوقعة ...
الكتاب فيه برشا وجيعة و فيه تاريخ بلاد من وجهة نظر اخرى ، المسيحيين الي عايشين في بلاد المسلمين و مشاكلهم و الصعوبات الي يعانيو فيها و الي خلات حياتهم صعيبة و كارثية ..
رواية مزيانة برشا و الأهم ، قريبة برشا من الواقع الي نحبو نعميو عيننينا عليه❤
( تقرير بتاريخ 5 اكتوبر 2016 )