الصبية و السيجارة
الصبية و السيجارة ، بونوا ديتيرتر ترجمة زهير بوحولي مسكلياني لنشر و التوزيع 175 صفحة عشر فصول كتاب حبيت نقراه من مدة ، الشكر كل الشكر لاسوم لا يقطعها هي و كتبها . اما بعد ، الصبية و السيجارة و خليني نقصلكم حبل افكاركم ، الحكاية مش حكاية طفلة مغرومة بالدخان 😂 . الحكاية الشخصية الرئيسية متاعها سيجارة ، هي الي ادور فالاحداث الكل ، يبدى الكتاب بمشهد محكوم بالاعدام يطالب كاخر طلب ليلو انو يجيبولو سيجارة ، شنو الغريب في هذا زعما ؟ سيجارة عادية عملة موجودة برشا فالسجون و يمكن من اكثر الحاجات المتوفرة فالدنيا . اما في عالم مخالف ، بقواعد اخرى و نظرة اخرى للعالم ، يصورهولنا الكاتب بنظرة دوستويبية ، و تبدى الحكاية . المزيان فالكتاب انو الاحداث تمشي بطريقة متتخيلهاش ، و الزوز خطوط المتوازية . بطريقة ما تتلاقى و تقلب الاحداث عل لخر. الي نحبو في ادب الدوستوبيا . انها تخليك تسرح مليح في الدنيا ، الكتب هذم خدمتهم يعريو على حاجات منحبوش نشوفوهم .. القانون الي نعملوه باش انظموا حياتنا الاجتماعية كيفاش يتقلب الدور و نوليو نحكيو على قانون حسب دهاء صاحبه .. الحلو زادا انو الكتاب بينلنا ا...
